• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوم استحصال کشمیر پر نظامت امور نوجوانان کے زیر اہتمام آج تقریبات ہونگی

میرا شہر
پشاور
05 اگست ، 2025
پشاور (خصوصی نامہ نگار) یومِ استحصالِ کشمیر کے موقع پر ڈائریکٹوریٹ آف یوتھ افیئرز خیبرپختونخوا کے زیر اہتمام آج 5 اگست کو ڈائریکٹوریٹ آف یوتھ افیئرز خیبرپختونخوا اور اس کے تمام ضلعی دفاتر کے زیر اہتمام صوبہ بھر میں کشمیری عوام سے اظہارِ یکجہتی کے لئے مختلف تقریبات کا انعقاد کیا جائے گا،اس دن کی مناسبت سے محکمہ کے تمام دفاتر میں کشمیری مسلمانوں سے یکجہتی کے اظہار کے طور پر بینرز آویزاں کئے جائیں گے۔جبکہ ضلعی سطح پر ریلیوں، تقاریب، سیمینارز اور جلسوں کے انعقاد میں بھی یوتھ دفاتر کے افسران اور اہلکار شرکت کریں گے۔یومِ استحصالِ کشمیر منانے کا مقصد عالمی برادری کو یہ باور کرانا ہے کہ 5 اگست 2019 کو بھارت کی جانب سے مقبوضہ جموں و کشمیر کی خصوصی حیثیت ختم کرنے کے یکطرفہ اور غیر قانونی اقدام کو کشمیری عوام تسلیم نہیں کررہے اور پاکستانی عوام اپنے کشمیری بھائیوں کی اخلاقی،سیاسی اور سفارتی حمایت جاری رکھیں گے۔
پشاور سے مزید