• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خیبربینک کا ششماہی مدت کے لیے شاندار مالی نتائج کا اعلان

میرا شہر
پشاور
29 اگست ، 2025
پشاور(جنگ نیوز) بینک آف خیبر نے 2025 کی پہلی ششماہی مدت کی شاندار مالی کارکردگی کا اعلان کیا ہے۔ یہ نتائج بینک کی مضبوط کاروباری حکمتِ عملی، شفاف گورننس اور اپنے اسٹیک ہولڈرز کی اقدار بڑھانے کے پختہ عزم کی مرہونِ منت ہیں۔30 جون 2025 کو ختم ہونے والی ششماہی مدت کے دوران، بینک نے قبل از ٹیکس منافع (PBT) 7,194 ملین روپے کمایا، جو گزشتہ سال کی اسی مدت کے 3,481 ملین روپے کے مقابلے میں دوگنا اضافہ ہے۔ اسی طرح بعد از ٹیکس منافع (PAT) بڑھ کر 3,365 ملین روپے تک پہنچ گیا، جو گزشتہ سال کے 1,551 ملین روپے کے مقابلے میں نمایاں اضافے کو ظاہر کرتا ہے۔بورڈ آف ڈائریکٹرز نے اس شاندار کارکردگی کے اعتراف میں حصص داروں کے لیے 30 جون 2025 کو ختم ہونے والی ششماہی مدت کے لیے فی حصص 1.5 روپے (یعنی 15 فیصد) عبوری کیش ڈیوڈنڈ کی ادائیگی کا اعلان کیا ہے۔بینک آف خیبر کے منیجنگ ڈائریکٹر اور چیف ایگزیکٹو آفیسرحسن رضا نے اس موقع پر کہا کہ یہ شاندار کارکردگی ہمارے مضبوط بزنس ماڈل، ٹیم کی انتھک محنت اور صارفین کے پختہ اعتماد کا منہ بولتا ثبوت ہے۔ بینک آف خیبر میں ہمارا عزم صرف اعداد تک محدود نہیں — ہم ایک ایسا ادارہ تشکیل دے رہے ہیں جو جدت، شراکت اور خدمت کے اعلیٰ ترین معیار کی عکاسی کرے۔
پشاور سے مزید