• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر رجسٹرڈ گاڑیوں و کالے شیشوں کیخلاف کارروائیاں، جرمانے عائد

میرا شہر
پشاور
30 اگست ، 2025
پشاور(جنگ نیوز) آئی جی خیبر پختونخواہ ذوالفقار حمید کی ہدایت پر سٹی ٹریفک پولیس پشاور نے فینسی نمبر پلیٹ و غیر رجسٹرڈ گاڑیوں اور کالے شیشوں کے استعمال پر گزشتہ ہفتے 3200افراد پر جرمانے عائد کئے۔ چیف ٹریفک آفیسر ہارون رشید خان کی سربراہی میں سٹی ٹریفک پولیس پشاور نے شہر کے مختلف سیکٹروں میں بغیر نمبر پلیٹ گاڑیوں اور کالے شیشوں کا استعمال کرنیوالوں کیخلاف کارروائیاں کیں جس کے تحت کالے شیشے استعمال کرنے پر389، غیر رجسٹرڈ گاڑیاں اور موٹر سائیکلیں چلانے پر 1014اور فینسی نمبر پلیٹ کے استعمال پر 1797افراد کیخلاف کارروائی عمل میں لائی گئی اور گاڑیوں سے کالے شیشے اور فینسی نمبر پلیٹ اتارے اور خلاف ورزی کرنیوالوں پر جرمانے عائد کر دئیے۔ چیف ٹریفک آفیسر ہارون رشید خان نے کہا ہے کہ سٹی ٹریفک پولیس پشاور قوانین پر عملدرآمد یقینی بنانے کیلئے تمام تر صلاحیتیں بروئے کار لائیگی جبکہ خلاف ورزی کرنیوالوں کیخلاف سخت قانونی کارروائی عمل میں لائی جائیگی۔ شہری ٹریفک پولیس کے ساتھ تعاون اور ٹریفک قوانین کی پاسداری کریں۔
پشاور سے مزید