• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوم شہداء کے حوالے سےراولپنڈی پولیس لائنزمیں پروقار تقریب کا انعقاد

میرا شہر
اسلام آباد
05 اگست ، 2025
راولپنڈی (سٹاف رپورٹر) یوم شہداء پولیس پرپولیس لائنز راولپنڈی میں پروقار تقریب کا انعقاد کیا گیا،یادگار شہدا پر سینئیر افسران کی آمد پر پولیس کے چاق و چوبند دستے نے سلامی پیش کی، کمشنر راولپنڈی انجینئر عامر خٹک ،آر پی او بابر سرفراز الپا، سی پی او سید خالد ہمدانی، ڈپٹی کمشنر حسن وقار چیمہ، ایس ایس پی انویسٹیگیشن، ایس پی ہیڈکوارٹرز، ڈویژنل ایس پیز، ایس ڈی پی اوز، ایس ایچ اوز سمیت سینئر افسران نے شرکت کی، سلامی کی تقریب میں شہداء کی فیملیز نے بھی شرکت کی۔ آر پی او بابر سرفراز الپا اور سی پی او سید خالد ہمدانی اور دیگر افسران نے یاد گار شہداء پر پھول رکھے، شہداء پولیس کے درجات کی بلندی اور ملک و قوم کی سلامتی کے لئے دعا کی گئی،سینئر افسران شہداء کی فیملیز سے ملے، بچوں سے شفقت کا اظہار کیا، اس موقع پر آر پی او بابر سرفراز الپا کاکہنا تھا کہ شہداء پولیس ہمارے محسن ہیں، قوم انکی مقروض ہے۔ سی پی او سید خالد ہمدانی نے کہاکہ راولپنڈی پولیس کے 122 افسران و جوانوں نے ملک و قوم پر جان قربان کی،سربلندی کی یہ دستار ہمارے پاس شہداء کی امانت ہے،ملک و قوم کی بقاء کی خاطر جانوں کا نذرانہ پیش کرنے والے ان عظیم سپوتوں کو ہمیشہ یاد رکھا جائے گا۔
اسلام آباد سے مزید