فرمان الہی
نماز کے اوقات
کراچی(اسٹاف رپورٹر) پی سی بی نے ورلڈ کپ کیلئے کوالی فائی کرنے والی پاکستان خواتین کرکٹ ٹیم کے معاوضوں میں اضافے اور سینٹرل کنٹریکٹ کا اعلان کردیا۔ ماہانہ ریٹینرز میں پچاس فیصد اضافہ کیا گیا ہے۔ اطلاق یکم جولائی 2025 سے 30 جون 2026 تک ہوگا ۔ عالمی نمبر ون ٹی 20 اسپنرسعدیہ اقبال کو ملی ہے ۔ انہیں فاطمہ ثنا، منیبہ علی اور سدرہ امین کے ساتھ کیٹگری اے میں رکھا گیا ہے۔ فاسٹ بولر ڈیانا بیگ اور آف اسپنر رامین شمیم کو اپ گریڈ کیا گیا ہے۔ ابھرتی کھلاڑیوں کیلئے ایمرجنگ کیٹیگری متعارف کرائی گئی ہے۔ جس میں نوجوان کرکٹرز ایمان فاطمہ اور شوال شامل ہیں۔ کیٹیگری اے میں فاطمہ ثنا، منیبہ علی، سعدیہ اقبال، سدرہ امین ، بی میں عالیہ ریاض، ڈیانا بیگ، نشرا سندھو، سی کیٹگری میں رامین شمیم جبکہ کیٹیگری ڈی میں گل فیروزہ، نجیہ علوی، نتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر شامل ہیں۔
