فرمان الہی
نماز کے اوقات
اسلام آباد(نیوز رپورٹر)وزارت مذہبی امور کے ترجمان نے کہا ہے کہ سرکاری حج سکیم کے تحت درخواستوں کی وصولی جاری ہے ، اب تک آن لائن پورٹل اور نامزد بینکوں کے ذریعے 91 ہزار 300 درخواستیں جمع ہو چکی ہیں ۔ منگل کو وزارت مذہبی امور کے ترجمان نے اپنے ایک بیان میں کہا کہ بقیہ نشستوں پر حج درخواستوں کی وصولی 16 اگست تک جاری رہے گی۔دستیاب سیٹیں مکمل ہوتے ہی حج درخواستوں کی وصولی فوری روک دی جائے گی ۔ سرکاری حج سکیم میں 40 روزہ لانگ حج اور 25 روزہ شارٹ حج پیکیج کی سہولت موجود ہے۔درخواست کے ہمراہ پیکیج کے مطابق پانچ لاکھ یا ساڑھے پانچ لاکھ کی پہلی قسط جمع کرانا لازمی ہے۔حج واجبات کی دوسری قسط یکم نومبر سے وصول کی جائے گی۔بیرون ملک مقیم پاکستانی پاسپورٹ کے حامل افراد بھی درخواست جمع کروانے کے اہل ہیں۔
