• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میٹرک بورڈ، ناظم امتحانات کیلئے سمری ارسال، ظہیر بھٹو کو غلط ہٹایا، عباس بلوچ

کراچی( سید محمد عسکری) سیکرٹری بورڈز و جامعات عباس بلوچ نے کہا ہے کہ میٹرک بورڈ کراچی میں ناظم امتحانات کے تقرر کے لیے سمری وزیر اعلیٰ سندھ کو ارسال کردی گئی ہے میٹرک بورڈ کراچی کے چیرمین غلام حسین سوہو نے کنٹرولنگ اتھارٹی کے تقرر کردہ ناظم امتحانات ظہیر بھٹو کو غلط ھٹادیا اور اس کی جگہ گریڈ 17 کے اسٹنٹ کنٹرولر کو چارج دیا جس کا انھیں اختیار ہی نہیں تھا۔ کنٹرولر کو لگانے اور ھٹانے کا اختیار صرف کنٹرولنگ اتھارٹی(وزیر اعلیٰ) کو ہے۔ غلام عباس بلوچ نے کہا کہ ظہیر بھٹو کو کنٹرولر کے عہدے کا چارج نہیں چھوڑنے کے بجائے اپنا کام جاری رکھنا چاہیے تھا۔ ایک سوال کے جواب میں انھوں نے کہا کہ میٹرک سائنس کے نتائج کے جلد اعلان کے لیے بورڈ کو ہدایت کردی گئی ہے۔ دریں اثناء چیف سکریٹری سندھ سید آصف حیدر شاہ کا کہنا ہے کہ وہ میٹرک بورڈ کراچی میں ناظم امتحانات کے معاملے کا جائزہ لے رہے ہیں جب کہ میٹرک سائنس کے نتائج کا اعلان بدھ 13 اگست کو کردیا جائے گا۔ یاد رہے میٹرک بورڈ کراچی میں چیرمین بورڈ نے ناظم امتحانات ظہیر بھٹو کو ھٹا کر ایسوسی ایٹ پروفیسر حمزہ تگڑ کو لگانے کی سفارش کی تھی اور دوران چارج گریڈ 17 کے اسٹنٹ کنٹرولر کو دے دیا تھا تاہم عدالتی فیصلے کے باعث گریڈ 17 کے کنٹرولر کی چھٹی ہوئی تاہم اس کے بعد میٹرک بورڈ کراچی میں ناظم امتحانات کی آسامی خالی پڑی ہے جس کی وجہ سے میٹرک سائنس نتائج میں تاخیر ہو گئی ہے جب کہ سندھ بھر کے بورڈز میٹرک سائنس کے نتائج کا اعلان کرچکے ہیں اور کئی بورڈز نے تو انٹرمیڈیٹ کے نتائج کا بھی اعلان کردیا ہے۔
اہم خبریں سے مزید