• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

موسمیاتی تبدیلی بڑا چیلنج، ڈپٹی اسپیکر کی نیپال کے پارلیمانی وفد سے بات چیت

آج کا اخبار
اہم خبریں
20 اگست ، 2025
اسلام آباد ( نمائندہ خصوصی)ڈپٹی سپیکر قومی اسمبلی سید غلام مصطفیٰ شاہ سے منگل کو نیپال کے پارلیمانی وفد نے ملاقات کی جس میں دوطرفہ پارلیمانی، اقتصادی تعلقات سمیت باہمی دلچسپی کے امور پر تبادلہ خیال کیا گیا ۔ ڈپٹی سپیکر قومی اسمبلی نے وفد کا پارلیمنٹ ہاؤس میں خیر مقدم کیا۔ ڈپٹی سپیکر نے کہا کہ موسمیاتی تبدیلی پاکستان سمیت خطے کے دیگر ممالک کے لیے بڑا چیلنج ہے۔حالیہ مون سون میں پاکستان میں بڑے پیمانے پر جانی و مالی نقصان ہوا ہے۔ پاکستان 2022سے مسلسل موسمیاتی تبدیلیوں کا شکار ہو رہا ہے، پاکستان نیپال کے ساتھ اپنے دیرینہ تعلقات کو بڑی اہمیت دیتا ہے۔ڈپٹی سپیکر نے دونوں ممالک میں پارلیمانی روابط کو فروغ دینے کی ضرورت پر زور دیا اور کہا کہ پارلیمانی رابطے دوطرفہ تعلقات کو مزید مستحکم بنانے اور دونوں ممالک کو مزید قریب لانے میں اہم کردار ادا کر سکتے ہیں۔ قومی اسمبلی آف پاکستان میں پاک۔نیپال فرینڈشپ گروپ قائم کیا گیا ہے۔پارلیمانی فرینڈشپ گروپ دونوں ممالک میں رابطوں کو فروغ دینے میں کلیدی کردار ادا کر رہا ہے۔دونوں ممالک میں سیاحت اور دیگر اقتصادی شعبوں میں تعاون کے وسیع مواقع موجود ہیں۔قومی اسمبلی آف پاکستان میں خواتین اراکینِ پارلیمنٹ پر مشتمل ویمن پارلیمنٹری کاکس تشکیل دیا گیا ہے۔
اہم خبریں سے مزید