پشاور (جنگ نیوز) ایم ڈی کیٹ کے 25اگست کو شروع ہونے والے امتحانات ملتوی کرنے کا مطالبہ کیا گیا ہے۔ والدین کے مطابق خیبر پختونخوا‘ کشمیر اور گلگت بلتستان میں حالیہ مون سون بارشوں‘ سیلاب کی سنگین صورتحال‘ لینڈ سلائیڈنگ‘ لوڈ شیڈنگ اور بعض علاقوں میں راستوں کی بندش کے باعث اکثر طلباء اپنے ایڈمیشن فارم بھی جمع نہیں کروا سکے۔ انہوں نے کہا کہ ایسی صورتحال میں امتحانات لینا مناسب نہیں ہو گا کیونکہ اس دوران حاضری کا تناسب بھی انتہائی کم رہنے کا امکان ہے۔ اسلئے امتحانات ملتوی نہ کئے گئے تو یہ طلباء کے مستقبل سے کھیلنے کے مترادف ہو گا۔ والدین نے اپیل کی کہ پچیس اگست کو شروع ہونے والے ایم ڈی کیٹ کے امتحانات فوری طور پر ملتوی کئے جائیں اور حالات بہتر ہونے پر دوبارہ لئے جائیں۔
فرمان الہی
نماز کے اوقات
