فرمان الہی
نماز کے اوقات
کراچی (اسٹاف رپورٹر)گورنر سندھ کامران خان ٹیسوری نے صوبائی موٹر وہیکلز (ترمیمی) بل 2025 کی منظوری دے دی اور یہ قانون فوری طور پر نافذ العمل ہوگیا ہے بل کی منظوری صوبے میں ٹریفک قوانین پر سختی سے عمل درآمد اور شہریوں کی جان و مال کے تحفظ کو یقینی بنانے کے لیے ایک اہم اقدام ثابت ہوگا، نئے قانون کے تحت موٹر وہیکلز قوانین کی خلاف ورزی پر سخت قانونی کارروائی عمل میں لائی جائے گی جبکہ ہیوی وہیکلز کے ڈرائیونگ لائسنس کے اجرا پر مزید شرائط عائد کی گئی ہیں، اسی طرح ایل ٹی وی اور ایچ ٹی وی لائسنس کے حصول کے لیے پری لائسنس ٹریننگ کورس کو لازمی قرار دیا گیا ہے تاکہ ڈرائیورز کو عملی مہارت اور آگاہی فراہم کی جا سکے،بل میں ڈرائیورز کے لیے ڈی میرٹ پوائنٹ سسٹم بھی متعارف کرایا گیا ہے، اس نظام کے تحت ٹریفک قوانین کی خلاف ورزی پر ڈرائیونگ لائسنس پر پوائنٹس درج ہوں گے اور مقررہ حد سے زیادہ پوائنٹس ہونے پر لائسنس معطل یا منسوخ کیا جا سکے گا، گورنر سندھ کا کہنا ہے کہ یہ اقدام بار بار خلاف ورزی کرنے والے ڈرائیورز کے لیے بازپرس کا ذریعہ ثابت ہوگا اور عوامی تحفظ میں اضافہ کرے گا۔
