• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیلاب متاثرین کی امداد کیلئے 10 لاکھ روپے مالیت کا امدادی چیک حوالے

میرا شہر
پشاور
23 اگست ، 2025
پشاور (لیڈی رپورٹر) پشاور جنرل ہسپتال کی جانب سے سیلاب متاثرین کی امداد کے لیے 10 لاکھ روپے مالیت کا امدادی چیک سی ای او پروفیسر ڈاکٹر ملک جاوید اقبال نے صدر الخدمت فاؤنڈیشن پاکستان پروفیسر ڈاکٹر حفیظ الرحمٰن کے حوالے کر دیا، اس موقع پر ڈائریکٹر ہسپتال پروفیسر ڈاکٹر خورشید احمد،ڈاکٹر عبدالمالک، ڈاکٹر ذ اور دیگر سینئر ڈاکٹرز بھی موجود تھے،ترجمان ہسپتال رومیسا احمد کے مطابق پشاور جنرل ہسپتال نے اپنی کارپوریٹ سوشل ریسپانسبلٹی (CSR) کے تحت پشاورحالیہ سیلاب متاثرین کی فوری امداد کے لیے الخدمت فاؤنڈیشن کو ایک ملین کا چیک حوالے کر دیا،اس حوالے سے پشاور جنرل ہسپتال کے چیف ایگزیکٹو آفیسر ڈاکٹر ملک جاوید اقبال کا کہنا ہے کہ ہسپتال علاج معالجے کے ساتھ ساتھ دکھی انسانیت کی خدمت کو بھی ہمیشہ مقدم رکھتا ہے۔ ہسپتال کے چیف ایگزیکٹیو کا کہنا تھا کہ سیلاب متاثرین کی ہر ممکن مدد کی جائے گی۔اس موقع پر الخدمت فاؤنڈیشن کے صدر ڈاکٹر حافظ الرحمن نے کہا کہ یہ عطیہ متاثرہ خاندانوں کی فوری ضروریات پوری کرنے میں اہم کردار ادا کرے گا۔ انہوں نے کہا کہ مالی معاونت کے ذریعے خوراک، صاف پانی، ادویات اور دیگر بنیادی اشیاء تیزی سے متاثرین تک پہنچائی جا سکتی ہیں۔
پشاور سے مزید