• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نان بی ٹی کپاس کی میکانائزڈ فارمنگ وقت کی اہم ضرورت ہے‘ ڈاکٹر خادم حسین

میرا شہر
ملتان
23 اگست ، 2025
ملتان ( سٹاف رپورٹر) چیف ایگزیکٹو آفیسر پاکستان سنٹرل کاٹن کمیٹی (PCCC) اور کاٹن کمشنر وزارت نیشنل فوڈ سیکیورٹی اینڈ ریسرچ ڈاکٹر خادم حسین نے کہا ہے کہ کپاس کی تحقیق اور پیداوار کے لیے نان بی ٹی اقسام سے متعلق سرگرمیوں میں تیزی اور میکانائزڈ فارمنگ پر بھرپور توجہ دینا وقت کی اہم ضرورت ہے۔ وہ سنٹرل کاٹن ریسرچ انسٹیٹیوٹ (CCRI) ملتان کے دورے کے دوران زرعی سائنسدانوں اور محققین سے گفتگو کر رہے تھے۔ ڈاکٹر خادم حسین نے کہا کہ زرعی تحقیق میں ہارڈ ورک کیساتھ ساتھ سمارٹ ورک کی طرف بڑھنا ناگزیر ہے ۔ انہوں نے مزید کہا کہ آنیوالے وقت میں کپاس کی نان بی ٹی اقسام پر تحقیق و ترقی کو فروغ دینا لازمی ہے تاکہ بدلتے ہوئے زرعی و موسمی چیلنجز سے مؤثر طریقے سے نمٹا جا سکے۔اس موقع پر ڈائریکٹر سی سی آر آئی ملتان، صباحت حسین نے ادارے میں جاری تحقیقی سرگرمیوں سے متعلق تفصیلی بریفنگ دی۔ انہوں نے بتایا کہ ادارہ میکانائزڈ فارمنگ کے محدود پیمانے پر کامیاب تجربات کا آغاز کر چکا ہے۔ ان میں کپاس کی آخری چنائی کے بعد باقی ماندہ ٹینڈوں کی مکینیکل بول پکر کے ذریعے چنائی، کپاس کے تجرباتی کھیتوں میں ڈرون سپرے ٹرائلز، اور ہائی ڈینسٹی پلانٹنگ ٹیکنالوجی بذریعہ Bed cum drill planter شامل ہیں۔ڈاکٹر خادم حسین نے دورے کے دوران شعبہ ایگرانومی کے علاوہ پلانٹ بریڈنگ اینڈ جینیٹکس اور سائٹو جینیٹکس شعبہ جات کے تحقیقی پلاٹس کا معائنہ بھی کیا۔چیف ایگزیکٹو پی سی سی سی نے وزارت نیشنل فوڈ سیکیورٹی اینڈ ریسرچ اور پاکستان سنٹرل کاٹن کمیٹی کی جانب سے کپاس کی تحقیق و ترقی کے فروغ کے لیے جاری کاوشوں کو بھی سراہا۔
ملتان سے مزید