• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک بھر کیلئے بجلی کے یکساں ماہانہ ٹیرف ایڈجسٹمنٹ لاگو کرنے کی منظوری

آج کا اخبار
اہم خبریں
23 اگست ، 2025
اسلام آ باد (رانا غلام قادر)شہبازحکومت کا ملک بھر میں یکساں ٹیرف کے نفاذ کے حوالے سے بڑی پالیسی شفٹ سامنے آئی ہے-وفاقی کابینہ نےکراچی سمیت ملک بھرکے لیےیکساں ماہانہ ٹیرف ایڈ جسٹمنٹ لاگوکرنےکی منظوری دے دی- اس سے قبل کے الیکٹرک کے لیے الگ اور باقی ملک کے لیے الگ ماہانہ ایڈجسٹمنٹ کا اطلاق کیا جاتا تھا-وفاقی کابینہ نے اقتصادی رابطہ کمیٹی کے 19 اگست کے فیصلے کی منظوری دی ہے-فیصلے کے تحت بجلی کی قیمت میں ماہانہ ایڈجسٹمنٹ ملک بھر کے لیے یکساں ہوگی، فیول ایڈجسٹمنٹ میں کمی یا اضافہ دونوں صورتوں میں ملک بھر کے لیے ایک جیسا ہوگا،بجلی کا بنیادی ٹیرف اور سہ ماہی ایڈجسٹمنٹ کراچی سمیت ملک بھر کے لیے یکساں لاگو ہوتی ہے۔ نئے فیصلے کے تحت ماہانہ ایڈجسٹمنٹ بھی سہ ماہی اور بنیادی ٹیرف کی طرح ملک بھر کے لیے یکساں ہوجائےگی۔
اہم خبریں سے مزید