فرمان الہی
نماز کے اوقات
ریلز بنانے کا شوق مہنگا پڑگیا، بھارتی ریاست اوڈیسہ میں یوٹیوبر ساگر ڈوڈوما آبشار میں بہہ گیا۔
اوڈیسہ کے ضلع کوراپٹ میں ایک افسوسناک واقعہ پیش آیا جہاں 22 سالہ یوٹیوبر ساگر، ڈوڈوما آبشار میں پانی کے تیز بہاؤ باعث بہہ گیا۔
اطلاعات کے مطابق ساگر اپنے دوست کے ساتھ کٹک سے کوراپٹ پہنچا تھا تاکہ اپنے یوٹیوب چینل کے لیے مشہور سیاحتی مقامات کی ویڈیوز بنا سکے، پر ایسا نہ ہوسکا، ڈرون کیمرے کے ذریعے ریلز ریکارڈ کرنے کے دوران حادثہ رونما ہوگیا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ ساگر پانی کے بیچ کھڑا ہے اور لوگ رسیوں کے ذریعے اسے نکالنے کی کوشش کر رہے ہیں، تاہم شدید بہاؤ کے باعث وہ بیلنس برقرار نہ رکھ سکا اور پانی کی بے رحم موجیں اس کو بہا لے گئیں۔
حکام کے مطابق ماچاکونڈا ڈیم سے شدید بارشوں کے بعد تقریباً 2000 کیوسک پانی چھوڑا گیا تھا، جس کے باعث اچانک پانی کی سطح بلند ہوگئی، مقامی افراد اور سیاحوں کی کوششوں کے باوجود ساگر بچ نہ سکا۔
اطلاع ملتے ہی ماچاکونڈا پولیس اور فائر سروسز کے اہلکار موقع پر پہنچے اور ریسکیو آپریشن شروع کیا۔
بھارتی میڈیا کے مطابق ساگر کا سراغ نہیں مل سکا اور لاش کی تلاش کا عمل جاری ہے۔
