فرمان الہی
نماز کے اوقات
اسلام آباد (محمد صالح ظافر ، خصوصی تجزیہ نگار)کروڑوں کی پریکٹس گنوا کر تحریک انصاف کے عہدیدار \ بنے راجہ سلمان اکرم بے نیل و مرام پارٹی سے نکل گئے۔
بشریٰ بی بی کے ھتک آمیز روئے پر برا فروختہ راجہ سلمان دوسری اور حریف خاتون علیمہ خانم کی تلخ نوائی کی تاب نہ لا سکے جو انکی ممدوح تھی۔
تحریک انصاف کی ٹوٹ پھوٹ نئی انتہا کی طرف جا رہی ہے، نئے سیکریٹری جنرل کے لئے کئی نام سامنے آگئے سردار لطیف کھوسہ دوڑ میں آگے ہیں۔
حماد اظہر کے دستبردار ہونے سے لاہور کے حلقہ 129 سے پاکستان مسلم لیگ-ن کے لئے ضمنی انتخاب آسان ہوگیا، علیمہ کے بیٹوں کی گرفتاری پر جمائما گولڈ سمتھ کا خوف بھرا ٹوئٹ، عمران کے بیٹوں کی آمد کا باب بند ہوگیا۔
تحریک انصاف کے سیکریٹری جنرل بیرسٹر سلمان اکرم راجہ کی ممدوح عمران خان کی بہن علیمہ خانم نے انہیں تنقید کا نشانہ بنا کر صدمے سے دوچار کردیا جسے وہ برداشت نہیں کرسکے
اس طرح وہ تحریک انصاف سے نکل گئے اس پارٹی میں بشریٰ بی بی نے قیادت پر قبضہ کرنے کی کوشش کی تو اس کے مقابلے میں علیمہ خانم آگئی تھیں جن کا سلمان اکرم راجہ نے بھرپور ساتھ دیا تھا جو ان کے بڑے قانونی تعاون تھے۔
جنگ /دی نیوز کو حد درجہ قابل اعتماد ذرائع نے بتایا ہے کہ سلمان اکرم راجہ سیاست سے الگ ہورہے ہیں اب وہ اپنی تمام تر توجہ وکالت پر مرتکز کرینگے انہیں تحریک انصاف کی سیاست میں حصہ لینے کے باعث سالانہ کروڑوں روپے کا نقصان ہورہا تھا جس کا ان کے افراد خانہ اور قریب ترین افراد کو بہت قلق تھا۔ ذرائع کا کہنا ہے کہ تحریک انصاف میں ٹوٹ پھوٹ کی شدت بڑھ رہی ہے۔
