فرمان الہی
نماز کے اوقات
تیسرے ٹی 20 میچ میں سری لنکا نے زمبابوے کو 8 وکٹ سے شکست دے کر سیریز 2-1 سے جیت لی۔
فاتح ٹیم کے کامل مشرا نے 73 رنز کی ناقابل شکست کھیلی جبکہ کوشال پریرا 46 رنز کے ساتھ ناٹ آوٹ رہے۔
ہرارے میں سری لنکا اور زمبابوے کے درمیان کھیلا گیا میچ جیو سوپر سے براہ راست نشر کیا گیا۔
میچ میں پہلے زمبابوے نے بیٹنگ کی اور مقررہ اوورز میں 8 وکٹ پر 191 رنز اسکور کیے، مارو مانی نے 51 رنز کی اننگز کھیلی۔
سکندر رضا نے 28 رنز بنائے، اُن کے علاوہ 26 رنز ریان بُرل اور 23 رنز شین ولیمز نے بنائےجبکہ دُشنا ہیمانتھا نے 3 اور چمیرا نے2 کھلاڑیوں کو آؤٹ کیا۔
جواب میں سری لنکا نے ہدف 18ویں اوور میں 2 وکٹ کے نقصان پر حاصل کرلیا، پتھم نسانکا نے 33، کوشال مینڈس نے 30 رنز بنائے۔
گزشتہ روز کھیلے گئے سیریز کے دوسرے میچ میں زمبابوے نے سری لنکا کو 5 وکٹ سے شکست دے کر سیریز 1-1 سے برابر کر دی تھی۔
اس میچ میں سری لنکن ٹیم 80 رنز پر ڈھیر ہو گئی تھی، کامل مشرا نے 20 اور کپتان اسالالنکا نے 18 رنز کی نمایاں باریاں کھیلی تھیں۔
سکندر رضا اور بریڈ ایوانز نے 3-3 کھلاڑیوں کو پویلین بھیجا تھا۔
زمبابوے نے ہدف 15 ویں اوور میں 5 وکٹ پر حاصل کیا، میچ کے بہترین کھلاڑی سکندر رضا قرار پائے تھے۔
