فرمان الہی
نماز کے اوقات
پاکستان میڈیکل اینڈ ڈینٹل کونسل کا کہنا ہے کہ غیر ملکی گریجویٹس کے لیے نیشنل رجسٹریشن ایگزامیشن (این آر ای) لازمی ہے۔
پاکستان میڈیکل اینڈ ڈینٹل کونسل نے غیر ملکی میڈیکل گریجویٹس کی رجسٹریشن سے متعلق کہا ہے کہ پی ایم اینڈ ڈی سی ایکٹ 2022ء کے تحت کونسل کو یہ اختیار حاصل ہے کہ وہ غیر ملکی میڈیکل اداروں کا جائزہ لے اور صرف انہی اداروں کے گریجویٹس کو پروویژنل رجسٹریشن جاری کرے جو پی ایم اینڈ ڈی سی سے تسلیم شدہ ہوں۔
اپنے ایک بیان میں پاکستان میڈیکل اینڈ ڈینٹل کونسل نے کہا ہے کہ غیر ملکی گریجویٹس کے لیے این آر ای لازمی ہے، مریضوں کی حفاظت پی ایم اینڈ ڈی سی کی اولین ترجیح ہے۔
اعلامیے میں کہا گیا ہے کہ پروویژنل رجسٹریشن صرف تسلیم شدہ غیر ملکی اداروں کے گریجویٹس کو مل سکتی ہے، غیر تسلیم شدہ اداروں کے گریجویٹس پہلے این آر ای پاس کریں گے۔
اعلامیے کے مطابق ای سی ایف ایم جی فہرست والے اداروں کے گریجویٹس ہی این آر ای کے اہل ہیں اور رجسٹریشن کے 4000 سے 7000 کیس زیر التواء ہونے کا دعویٰ غلط ہے، صرف 700 کیسز زیرِ التواء تھے اور کئی امیدوار فیس ایڈجسٹ کروا چکے ہیں، این آر ای امتحان نومبر 2025ء میں ہے جس کا شیڈول جلد جاری ہو گا۔
پی ایم اینڈ ڈی سی نے کہا ہے کہ مریضوں کی حفاظت پر کوئی سمجھوتہ نہیں اور دنیا کے ہر ملک میں لائسنسنگ امتحان لازمی ہے۔
