• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کالام کی اوشو فاریسٹ میں ایکو ٹورزم زون قائم کرنے کا فیصلہ

میرا شہر
پشاور
18 ستمبر ، 2025
پشاور (لیڈی رپورٹر) صوبے کے سیاحتی مقامات کو مزید پرکشش بنانے کے لیےمحکمہ سیاحت اور محکمہ جنگلات کی مشترکہ کاوشوں سے کالام کی حسین وادی اوشو فاریسٹ میں ایکو ٹورزم زون قائم کرنے کا فیصلہ کیا گیا ہے۔ اوشو فاریسٹ میں روایتی طرز کا ریسٹ ایریا بنایا جائے گا تاکہ آنے والے سیاحوں کو مزید سہولت فراہم کی جا سکے۔ اس حوالے سے سیکرٹری سیاحت ڈاکٹر عبدالصمد نے کہنا ہے کہ اوشو فاریسٹ صرف ایک جنگل نہیں بلکہ سیاحوں کے لیے دلکش مقام ہے۔ ʼʼاوشو ایکو ٹورزم زونʼʼ صوبے کے دیگر منصوبوں کے لیے ایک شاندار مثال ثابت ہوگا جس میں موسم سرما اور گرمیوں کے موسم دونوں کی مناسبت سے خصوصی میپنگ کی جائیگی تاکہ سیاح سال بھر اوشو کے پرفضا ماحول سے لطف اندوز ہوسکیں۔ اس منصوبے سے مقامی روزگار کو بھی فروغ ملے گا۔ محکمہ جنگلات نے واضح کیا ہے کہ اوشو کے قدرتی جنگلات کے تحفظ کو ہر صورت یقینی بنایا جائے گا اور کسی کو ماحول کو نقصان پہنچانے کی اجازت نہیں دی جائے گی۔ محکمہ جنگلات اور محکمہ سیاحت کے مابین منرو ٹریک مشترکہ منصوبے کے بعد یہ نیا اقدام سیاحت کے فروغ اور مقامی معیشت کے استحکام کی جانب ایک بڑا قدم ہے۔
پشاور سے مزید