• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، انٹرمیڈیٹ نتائج کا اعلان، کامیابی کا تناسب 54.12 فیصد رہا

میرا شہر
اسلام آباد
19 ستمبر ، 2025
راولپنڈی ( ناصر چشتی، خصوصی نمائندہ)بورڈ آف انٹرمیڈیٹ اینڈ سیکنڈری ایجوکیشن راولپنڈی نے انٹرمیڈیٹ پہلا سالانہ امتحان 2025کے نتائج کا اعلان کر دیا ہے۔ مجموعی طور پر کامیابی کا تناسب 54.12 فیصد رہا۔ مرد طلبہ کی کامیابی کی شرح 39.87 جبکہ طالبات کی کامیابی کی شرح 62.4 فیصد رہی۔پوزیشن ہولڈرز کے اعزاز میں مرکزی تقریب فاطمہ جناح ویمن یونیورسٹی راولپنڈی میں منعقد ہوئی جس میں وفاقی وزیر ریلوے محمد حنیف عباسی نے بطور مہمانِ خصوصی شرکت کی۔ تقریب میں پارلیمانی سیکرٹری برائے اطلاعات و ثقافت پنجاب شازیہ رضوان، اراکین صوبائی اسمبلی ضیا اللہ شاہ، عاصمہ عباسی، رفعت عباسی، طاہرہ مشتاق اور فلک شیر نے بھی شرکت کی۔ چیئرمین بورڈ محمد عدنان خان، کنٹرولر امتحانات تنویر اصغر اعوان، محکمہ تعلیم کے افسران، طلبہ، طالبات اور والدین بڑی تعداد میں شریک ہوئے۔نتائج کے مطابق تینوں مجموعی پوزیشنز طالبات نے حاصل کیں۔ نجی کالج برائے خواتین تلہ گنگ کی اریج شفقت حیات نے 1148 نمبر لے کر پہلی، اسی کالج کی عائشہ مشتاق نے 1139 نمبر لے کر دوسری جبکہ نجی کالج گرلز چکوال کی ایمان فاطمہ نے 1138 نمبر کے ساتھ تیسری پوزیشن حاصل کی۔ پوزیشن ہولڈرز کو گارڈ آف آنر پیش کیا گیا اور وفاقی وزیر ریلوے نے انہیں میڈلز اور انعامات سے نوازا۔اپنے خطاب میں وفاقی وزیر ریلوے محمد حنیف عباسی نے کہا کہ کامیاب طلبہ و طالبات اور ان کے والدین مبارکباد کے مستحق ہیں۔
اسلام آباد سے مزید