• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان نے بجلی کی مارکیٹ میں اصلاحات کیلئے مشاورت کا آغاز کردیا

آج کا اخبار
اہم خبریں
20 ستمبر ، 2025
اسلام آباد (اسرار خان) پاکستان نے بجلی کی مارکیٹ میں اصلاحات کیلئے مشاورت کا آغاز کردیا، نیلامی کا فریم ورک کا مقصد بجلی شعبے کو آزادانہ بنانا ؛ 800 میگاواٹ کی وہیلنگ ڈیمانڈ کو مختص کیا جائیگا۔ تفصیلات کے مطابق پاکستان نے جمعرات کو اپنی دیرینہ مسابقتی تجارتی دو طرفہ معاہدوں کی مارکیٹ کے بارے میں اسٹیک ہولڈرز سے مشاورت کا آغاز کر دیا۔ یہ ایک نیلامی کا فریم ورک ہے جس کا مقصد ملک کے بجلی کے شعبے کو آزادانہ بنانا ہے، اور اس کے تحت 800میگاواٹ کی وہیلنگ ڈیمانڈ کو مختص کیا جائے گا۔ جمعہ کو انڈیپنڈنٹ سسٹم اینڈ مارکیٹ آپریٹر کی جانب سے منعقدہ ایک ورکشاپ میں، وفاقی وزیر برائے پاور ڈویژن سردار اویس احمد خان لغاری نے کہا کہ یہ اصلاحات بجلی کی خرید و فروخت کے طریقے کو تبدیل کر دیں گی، جس سے صنعتوں کو مسابقتی نرخوں پر براہ راست سپلائرز سے بجلی حاصل کرنے کی آزادی ملے گی۔ انہوں نے اس بات پر زور دیا کہ سی ٹی بی سی ایم کوئی تجربہ نہیں بلکہ عالمی بہترین طریقہ کار پر مبنی ایک محتاط منصوبہ بند اصلاح ہے۔ لغاری نے اپنے ورچوئل خطاب میں کہا کہ نیلامی کا فریم ورک سی ٹی بی سی ایم کے نفاذ کی بنیاد ہے۔
اہم خبریں سے مزید