فرمان الہی
نماز کے اوقات
لاہور ( جنگ نیوز) رواں سال شدید سردی پڑنے کا خدشہ ، ماہرین نے خبردار کردیا، 2025-26کا موسم سرماحالیہ دہائیوں میں سب سے زیادہ سرد ترین ہو سکتا ہے،اس کی وجہ لا نینا ہے جو ایک موسمیاتی رجحان ہے اور استوائی بحرالکاہل میں سمندر کی سطح کے درجہ حرارت کو ٹھنڈا کرنے کے لیے جانا جاتا ہے، اس سال واپس آ سکتا ہے ، ایل نینو اور لانینا پاکستان پر ایک دوسرے کے الٹ اثر ڈالتے ہیں۔ اس خدشے کے پیش نظرموسمیاتی ماہرین خبردار کیاہے کہ 2025-26کا موسم سرماحالیہ دہائیوں میں سے سرد ترین ہو سکتا ہے۔رپورٹ کے مطابق لا نینا ہوا کی گردش اور جیٹ سٹریم کے رویے کو تبدیل کرتا ہے، جس کے نتیجے میں اکثر سرد موسم، طویل ٹھنڈ کا دورانیہ، اور بہت سے علاقوں میں بھاری برف باری ہوتی ہے اور اس کی رواں سال آمدہوسکتی ہے۔ کئی موسمیاتی ایجنسیوں، بشمول ریاستہائے متحدہ امریکہ کے موسمیاتی پیش گوئی مرکزنے لا نینا الرٹس جاری کیے ہیں کیونکہ بحر الکاہل کے کچھ حصوں میں سمندری گرمی کے معمول کے پیٹرن میں تبدیلی دیکھی گئی او رٹھنڈک کا اشارہ دے رہے ہیں۔
