• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی ڈی اے، ای او بی آئی کاجوائنٹ وینچر کے تحت منصوبوں میں سر مایہ کا ری پر اتفاق

میرا شہر
اسلام آباد
26 ستمبر ، 2025
اسلام آباد( نیوز رپورٹر) چیئرمین سی ڈی اے و چیف کمشنر اسلام آباد محمد علی رندھاوا سے چیئرمین ایمپلائز اولڈ ایج بینیفٹ انسٹیٹوٹیشن ای او بی آئی (EOBI) ڈاکٹر جاوید شیخ اور انکی ٹیم نے سی ڈی اے ہیڈکوارٹرز میں ملاقات کی۔ چیئرمین سی ڈی اے محمد علی رندھاوا نے چیئرمین ای او بی آئی (EOBI) اور انکی ٹیم کا سی ڈی اے ہیڈکوارٹرز میں خیر مقدم کیا۔ ملاقات میں ممبر فنانس طاہر نعیم، ممبر پلاننگ اینڈ ڈیزائن ڈاکٹر خالد حفیظ، ممبر انوائرمنٹ اسفندیار بلوچ، ڈپٹی کمشنر آئی سی ٹی عرفان نواز میمن سمیت ڈی جی ریسورس اور دیگر سنئیر افسران نے شرکت کی۔ملاقات میں اسلام آباد میں سرمایہ کاری کیلئے مختلف منصوبوں میں شراکت داری کے حوالے سے تبادلہ خیال کیا گیا۔ اجلاس میں اسلام آباد میں بالخصوص میزبانی کی صنعت سے متعلقہ مختلف منصوبے زیر غور لائے گئے اور ان منصوبوں کے مالیاتی اور آپریشنل ماڈلز پر بریفنگ دی گئی۔ چیئرمین سی ڈی اے نے کہا کہ اسلام آباد میں میزبانی کی صنعت سے متعلقہ پراجیکٹس میں سرمایہ کاری کیلئے بہترین مواقع موجود ہیں۔ انہوں نے کہا کہ بین الاقوامی کانفرنسوں سمیت اگلے ایس سی او سمٹ کا انعقاد دارالخلافہ اسلام آباد میں ہوگا۔ انہوں نے کہا کہ اسلام آباد شہر کو سفارتی اور سیاحتی مرکز کے طور پر متعارف کرانے کیلئے ہوٹل انڈسٹری کے فروغ کے حوالے سے کافی مواقع موجود ہیں۔ چیئرمین سی ڈی اے نے مختلف منصوبوں میں جوائنٹ وینچر کے تحت
اسلام آباد سے مزید