• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیکرٹری کھیل اورڈی جی سپورٹس کا سپورٹس کمپلیکس کا دورہ

میرا شہر
پشاور
27 ستمبر ، 2025
پشاور (خصوصی نامہ نگار) خیبر پختونخوا کے سیکرٹری کھیل وامور نوجوانان سعادت حسن اور ڈائریکٹر جنرل سپورٹس تاشفین حیدر نے حیات آباد سپورٹس کمپلیکس پشاور کا دورہ کیا اور کھیلوں کے دستیاب سہولیات کا تفصیلی معائنہ کیا۔ دونوں نے کمپلیکس میں کرکٹ گراؤنڈ، سوئمنگ پول، ٹینس کورٹ، فٹنس جم اور کھیلوں کے دیگر سہولیاتی مقامات کا جائزہ لیا۔ایڈمنسٹریٹر حیات آباد سپورٹس کمپلیکس عابد آفریدی نے انہیں کمپلیکس میں دستیاب سپورٹس کورٹس اور کھیلوں کی سرگرمیوں کے حوالے سے بریفننگ دیتے ہوئے بتایاکہ کمپلیکس میں خواتین فٹنس جم قائم کیا گیا ہے جو افتتاح کیلئے تیار ہے۔ سیکرٹری کھیل نے ہدایت کی کہ حیات آباد سپورٹس کمپلیکس میں رننگ ٹریک اور بیڈ منٹن میٹس کیلئے پی سی ون جلد از جلد تیار کیا جائے۔ انہوں نے یقین دلایا کہ حیات آباد سپورٹس کمپلیکس شہر پشاور میں کھیلوں کی سرگرمیوں کے حوالے سے ایک اہم مقام رکھتا ہے کیونکہ شہر بھر کے لوگوں اور کھلاڑیوں کے لئے یہ تفریح اور کھیلوں کا ایک معیاری کمپلیکس ہے۔ انہوں نے کہا کہ اس کمپلیکس کو مزید سہولیات سے بھی لیس کیا جائے گا تاکہ یہاں شہر کے باسیوں کو سیر وتفریح اور کھیلوں کی تمام ضروری آسائشیں دستیاب ہو۔
پشاور سے مزید