• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین میں دنیا کا سب سے بلند پل ٹریفک کیلئے کھول دیا گیا

آج کا اخبار
اہم خبریں
29 ستمبر ، 2025
کراچی (نیوز ڈیسک) چین نے تعمیرات کے شعبے میں ایک اور تاریخ رقم کردی، دنیا کے سب سے بلند پل کو ٹریفک کیلئے کھول دیا گیا۔ صوبہ گوئیژو میں واقع ہواجیانگ گرینڈ کینین برج کی حیرت انگیز بلندی 625 میٹر ہے۔ اس پل کی کل لمبائی 2,890 میٹر ہے، جبکہ اس کا مرکزی اسپین 1,420 میٹر پر محیط ہے۔ اس کی بلندی کا اندازہ اس بات سے لگایا جاسکتا ہے کہ یہ امریکا کے مشہور ورلڈ ٹریڈ سینٹر سے بھی زیادہ اونچا ہے۔ ریاستی میڈیا پر اتوار کو نشر ہونے والی ڈرون فوٹیج میں گاڑیوں کو اس عظیم الشان ساخت پر سفر کرتے ہوئے دکھایا گیا، جس کے نیلے رنگ کے سہارا دینے والے مینار جزوی طور پر بادلوں میں چھپے ہوئے تھے۔ منصوبے کے انجینئرز اور مقامی عہدیداروں سمیت تماشائیوں کے ہجوم نے اس موقع کی نشاندہی کے لیے ایک تقریب کے لیے پُل پر جمع ہوئے، جن میں سے کئی نے ریاستی میڈیا کو دیے گئے براہ راست انٹرویوز میں اپنے فخر اور جوش کا اظہار کیا۔ ہواجیانگ گرانڈ کینین پُل ملک کے دشوار گزار جنوبی صوبے گوئیژو میں ایک دریا اور ایک وسیع گھاٹی کے اوپر 625 میٹر کی بلندی پر واقع ہے، جو 565 میٹر بلند بیپانجیانگ پُل کا بھی مسکن ہے جو اب دنیا کا دوسرا بلند ترین پُل ہے۔
اہم خبریں سے مزید