• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اینٹی کرپشن نے سندھ ٹیکسٹ بک بورڈ کے خلاف تحقیقات شروع کردی

آج کا اخبار
اہم خبریں
30 ستمبر ، 2025
کراچی (اسٹاف رپورٹر)درسی کتابوں کی چھپائی میں سنگین خلاف ورزیاں، اینٹی کرپشن اسٹیبلشمنٹ نے سندھ ٹیکسٹ بک بورڈ کے خلاف تحقیقات شروع کر د ی ہے۔ذرائع کے مطابق سندھ ٹیکسٹ بک بورڈ پر پانچ ارب روپے کی کتابیں من پسند پبلشرز سے چھپوانے کا الزام ہے ۔چیئرمین سندھ ٹیکسٹ بک بورڈ پرویز بلوچ اور بورڈ کے سابق سیکریٹری تیمور خاصخیلی کے خلاف تحقیقات تیزکردی گئی ہیں ۔محکمہ اینٹی کرپشن کے مطابق تعلیمی سال 26-2025 کے دوران کتابوں کی چھپائی کے ٹھیکے من پسند پبلشرز کو الاٹ کیے گئے،اینٹی کرپشن نے سندھ ٹیکسٹ بک سے تمام ریکارڈ طلب کرلیا۔خط میں کہا گیا ہے کہ 2 اکتوبر کو سندھ ٹیکسٹ بک بورڈ حکام ریکارڈ سمیت تفتیشی افسر کے سامنے پیش ہوں۔این آئی ٹی، کمپنیوں کی تفصیلات، بڈ رپورٹ، ورک اور سپلائی آرڈرز، ڈیلیوری چالان اور دیگر ریکارڈ پیش کیا جائے۔اگر ٹھیکیداروں کی گئی ایڈوانس ادائیگیوں اور پروکیورمنٹ کمیٹی کے نامبھی مانگے گئے ہیں۔
اہم خبریں سے مزید