• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کسٹم اور پولیس کی کارروائی،غلہ منڈی سےکروڑوں مالیت کی سمگل شدہ ممنوعہ اشیا برآمد

میرا شہر
ملتان
03 اکتوبر ، 2025
ملتان (سٹاف رپورٹر) غلہ منڈی ملتان میں ایک مرتبہ پھر کسٹم حکام اور پولیس کی جانب سے سمگلنگ کے خلاف مشترکہ کارروائی کی گئی، جس میں کروڑوں روپے مالیت کی سمگل شدہ ،غیر قانونی اور ممنوعہ اشیاء کی بھاری مقدار برآمد کر لی گئی۔ گزشتہ شب آپریشن کے دوران غلہ منڈی کو چاروں اطراف سے مکمل طور پر سیل کر دیا گیا تاکہ کسی بھی شخص یا گاڑی کو اندر داخل یا باہر جانے سے روکا جا سکے۔ آپریشن کے آغاز سے قبل غلہ منڈی کے مرکزی دروازے پر سمگلنگ میں ملوث تاجروں اور ان کے حامیوں نے کسٹم اہلکاروں اور پولیس پر شدید پتھراؤ کیا جس کے نتیجے میں کارروائی کچھ وقت کے لیے روک دی گئی۔ تاہم بعد ازاں اضافی نفری طلب کر کے ٹیموں نے ایک بار پھر کارروائی کا آغاز کیا اور منڈی کے مختلف گوداموں، دکانوں اور اسٹورز کی تلاشی لی۔.
ملتان سے مزید