• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چوری و ڈکیتی کی متعدد وارداتوں میں شہری نقدی اور قیمتی سامان سے محروم ہوگئے

میرا شہر
ملتان
06 اکتوبر ، 2025
ملتان (سٹاف رپورٹر) چوری و ڈکیتی کی متعدد وارداتوں میں شہری نقدی اور قیمتی سامان سے محروم ہوگئے، تفصیلات کے مطابق تھانہ سیتل ماڑی کے علاقہ میں ٹرانسپورٹ کمپنی کے عملے کو مسلح افراد نے یرغمال بنا کر نولاکھ سے زائد روپے لوٹ لیے، تھانہ گلگشت کے علاقہ میں سعید کے کلینک سے 60 لاکھ روپے مالیت کی لیبروسکوپ مشین سامان سمیت چوری کرلی گئی، تھانہ بی زیڈ کے علاقہ میں سجاد کا موبائل فون چوری ہوگیا جب کہ اسی تھانے کی حدود سے نعمان کی جیب سے 60 ہزار نقدی نامعلوم افراد نے چوری کرلی، تھانہ کوتوالی کے علاقہ میں خرم کا موٹر سائیکل چوری کرلیا گیا، تھانہ صدر کے علاقہ میں نامعلوم افراد فیاض کے گھر سے سامان چوری کرکے لے گئے، تھانہ الپہ کے علاقہ میں سرکاری سکول سے سامان چوری کرلیاگیا، تھانہ قادرپورراں کے علاقہ میں سعید کی فیکٹری سے سامان چوری ہوگیا، تھانہ نیو ملتان کے علاقہ میں قیوم کا موبائل فون جب کہ اسرار کا موٹر سائیکل چوری ہوگیا، تھانہ شاہ رکن عالم کے علاقہ میں آصف کا موبائل فون جب کہ اسلام کا موٹر سائیکل چوری کرلیا گیا، تھانہ دہلی کے علاقے میں انور کا موٹر سائکل جب کہ مظہر کا موبائل فون چوری ہوگیا، تھانہ لوہاری گیٹ میں کامران کے گھر سے سامان چوری ہوگیا، تھانہ کینٹ کے علاقہ سے اکمل اور فیضان کے موبائل فون چوری کرلیے گئے۔
ملتان سے مزید