فرمان الہی
نماز کے اوقات
کراچی ( اسٹاف رپورٹر ) معاشی مشکلات کا شکار این ای ڈی کے طالبعلم نے فیس کی عدم ادائیگی کے باعث داخلہ منسوخی کے خلاف سندھ ہائی کورٹ سے رجوع کرلیا۔ دائر درخواست میں موقف اپنایا گیا ہے کہ درخواست گزار خاندان کے واحد کفیل ہیں اور والد کینسر کے باعث گذشتہ برس انتقال کرگئے۔ کینسر کے علاج کے اضافی اخراجات کے باعث درخواست گزار مالی مشکلات کا شکار رہا۔ درخواست گزار 4 سمسٹر کی فیس بروقت جمع کروا چکا ہے۔ فیس کی عدم ادائیگی پر طالبعلم کو کلاسز لینے سے روک دیا گیا۔ طالبعلم نے انسانی بنیادوں پر بھی یونیورسٹی سے تعلیم جاری رکھنے کی استدعا کی۔ یونیورسٹی نے طالبعلم کو کوئی بھی رعایت دینے سے انکار کیا۔ یونیورسٹی نے فیس کی عدم ادائیگی پر طالبعلم کا داخلہ منسوخ کردیا۔ قابلیت کے باوجود صرف فیس کی عدم ادائیگی پر طالبعلم کا تعلیمی سلسلہ روک دیا گیا ہے۔ سپریم کورٹ نے بھی تعلیمی اداروں کو طلبا دوست سوچ کو اپنانے کی ہدایت کی ہے۔ متاثرہ طالبعلم تمام واجبات ادا کرسکتا ہے لیکن یونیورسٹی داخلہ بحال نہیں کررہی۔ قانون کے مطابق انجینیئرنگ کی تعلیم مکمل کرنے کی حد 7 برس ہے۔ عدالت سے استدعا ہے کہ درخواست گزار کا داخلہ بحال کرنے اور تعلیم جاری رکھنے کی اجازت دی جائے۔
