• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فرانس، پاکستانی سفیر ممتاز زہرہ بلوچ نے موناکو کے بادشاہ کو اسناد سفارت پیش کیں

آج کا اخبار
اہم خبریں
11 اکتوبر ، 2025
پیرس (رضا چوہدری، نمائندہ جنگ) فرانس میں پاکستانی سفیر ممتاز زہرا بلوچ نے موناکو کے بادشاہ کو بطور سفیر اپنی اسناد سفارت پیش کر دیں، واضح رہے کہ انہیں موناکو میں بھی پاکستان کا سفیر مقرر کیا گیا ہے،۔ اس موقع پر کو موناکو کے شاہی محل میں پروقار تقریب کا انعقادکیا گیا ، سفیر پاکستان نے گارڈ آف آنر کا معائنہ بھی کیا۔ فرانس میں پاکستانی سفارت خانہ کے آفیشل ایکس پر پوسٹ کے مطابق پاکستانی سفیر نے 7 اکتوبر 2025 کو موناکو کے شاہی محل میں منعقدہ پروقار تقریب کے دوران اپنی اسناد سفارت پیش کیں۔ شاہی محل آمد پر پاکستانی سفیر ممتاز زہرہ بلوچ نے پرنسپلٹی آف موناکو کی محافظ کمپنی ڈیس کیرابینیرز کا معائنہ کیا، اس کے بعد انہیں شاہی محل کے ہال آف مررز میں لے جایا گیا جہاں انہوں نے پرنسپلٹی آف موناکو کے فرمانروا شہزادہ البرٹ دوم کو باضابطہ طور پر اپنی اسناد سفارت پیش کیں ۔ اسناد سفارت پیش کرنے کے بعد سفیر ممتاز زہرہ بلوچ نے صدر مملکت آصف علی زرداری اور وزیر اعظم شہباز شریف کے تہنیتی پیغامات شہزادہ البرٹ کو پہنچائے ۔ انہوں نے موناکو کے ساتھ دوطرفہ مکالمہ اور تعلقات کو مزید فروغ دینے کی پاکستان کی پرخلوص خواہش کا بھی اظہار کیا۔
اہم خبریں سے مزید