• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

Top-50وویمن گلوبل ایوارڈ پاکستانی خاتون ایم این اے، ہما چغتائی نے جیت لیا

آج کا اخبار
ملک بھر سے
12 اکتوبر ، 2025
اسلام آباد( طاہر خلیل ) Top-50وویمن گلوبل ایوارڈ پاکستانی خاتون ایم این اے ،ہما چغتائی نے جیت لیا ،اسپیکر قومی اسمبلی سردار ایاز صادق نے 9اکتوبر کو کولمبو (سری لنکا) میں منعقدہ تقریب میں ٹاپ 50ویمن گلوبل ایوارڈ حاصل کرنے والی پاکستانی خاتون ممبر قومی اسمبلی ہما چغتائی کو مبارکباد پیش کی اور انکے لیے نیک خواہشات کا اظہار کیا۔ ایاز صادق نے کہا کہ پاکستانی ممبر قومی اسمبلی محترمہ ہما چغتائی کا انسانی حقوق، خواتین کو با اختیار بنانے اور بہتر طرزِ حکمرانی کے فروغ کے لیے نمایاں خدمات، جدو جہد اور کارناموں کے اعتراف میں ایوارڈ حاصل کرنا قابل ستائش ہے،بین الاقوامی سطح پر پاکستانی خاتون ممبر قومی اسمبلی کی یہ کامیابی قوم کے لیے باعثِ فخر ہے۔ پاکستانی خواتین نے ہر شعبہ ہائے زندگی میں اپنی صلاحیتوں کا لوہا منوایا اور عالمی سطح پر مثبت اور باوقار شناخت قائم کی ہے۔
ملک بھر سے سے مزید