فرمان الہی
نماز کے اوقات
اسلام آباد (ساجد چوہدری ) پچھلے تین سالوں کے دوران پاکستان میں تیار ہونے والی سینکڑوں گاڑیاں جاپان ، قطر، متحدہ عرب امارات، چین سمیت 20ممالک کو برآمد کی گئی ہیں۔
پارلیمنٹ کو فراہم کردہ تفصیلات میں بتایا گیا ہے کہ اس عرصہ کے دوران مجموعی طور پر 434 گاڑیاں برآمد کی گئیں جن کی مالیت ایک ارب 42 کروڑ بنتی ہے۔
2022-23ء کے دوران 100، 24-2023ء کے دوران 107جب کہ 25-2024ء کے دوران 227 گاڑیاں برآمد کی گئیں، پچھلے 3 سالوں کے دوران پاکستانی گاڑیوں کی برآمد میں اضافہ ہو رہا ہے ، یہ گاڑیاں 108ایکسپورٹر کمپنیوں کے ذریعے جاپان، افغانستان، قطر، متحدہ عرب امارات، تھائی لینڈ، لبنان ، لائبیریا، کینیا، سولومن آئی لینڈز، نائیجیریا ،امریکا، جبوتی، موزمبیق ، کیمن آئی لینڈز، سری لنکا، چین، برونائی دارالسلام، کھانا، ٹوگو اور بنگلا دیش کو برآمد کی گئیں۔
