فرمان الہی
نماز کے اوقات
پاکستانی شوبز انڈسٹری سے وابستہ معروف اداکارہ فائزہ حسن کا کہنا ہے کہ میں فردوس جمال کے بیانات کے باوجود انہیں پسند کرتی ہوں، ان کی مداح ہوں۔
انہوں نے کہا کہ چاہیے فردوس جمال ہوں یا ناصر ادیب انہیں انٹرویوز میں دوسروں، ساتھی فنکاروں کی زندگیوں پر تبصرہ کرنے کے بجائے تخلیقی امور پر گفتگو کرنی چاہیے۔
فائزہ حسن پاکستانی ٹی وی اور فلموں کا جانا پہچانا نام ہیں، جو برطانیہ میں اپنے اہل خانہ کے ساتھ رہائش پذیر ہیں تاہم کام کے سلسلے میں پاکستان آتی رہتی ہیں۔
انہوں نے حال ہی میں ایک صحافی کو انٹرویو دیا، جہاں انہوں کہا کہ پوڈکاسٹرز سستی شہرت اور ویوز حاصل کرنے کے لیے آرٹسٹ کے متنازع بیانات حربے کے طور پر استعمال کر رہے ہیں۔
اس حوالے سے بات کرتے ہوئے اداکارہ نے کہا کہ مجھے اس کا بہت افسوس ہوتا ہے کہ پوڈکاسٹر ان (فردوس جمال) سے ہمیشہ ایسے سوالات پوچھے جاتے ہیں جو انہیں غصہ دلادیتے ہیں۔
فائزہ حسن نے کہا کہ میں ان کی اور ناصر ادیب کی مداح ہوں اور میں نے ان دونوں کا کام دیکھا ہوا ہے، مجھے ان کی ذاتی زندگی میں کوئی دلچسپی نہیں، لیکن مجھے لگتا ہے کہ انہیں انٹرویوز کے دوران دوسروں کو ڈسکس کرنے کے بجائے کام کی بات کرنی چاہیے، مجھے یقین ہے کہ ان کا مطالعہ بہت وسیع ہوگا۔
انہوں نے یہ بھی کہا کہ بعض پوڈکاسٹرز جعلی صحافی ہوتے ہیں، انہیں آرٹسٹ کے کام کے بارے میں بھی علم نہیں ہوتا، وہ صرف ویوز کی خاطر ایسے مہمانوں کو دعوت دیتے ہیں جو متنازع گفتگو کرتے ہیں۔
ان کا کہنا ہے کہ جہاں میزبان کو ایسے سوال پوچھنے سے گریز کرنا چاہیے وہیں آرٹسٹ کو بھی سوچ سمجھ کے بولنے کی ضرورت ہے اور سوچ سمجھ کے بولنا ایک آرٹسٹ کا کام ہے، وہ کام کرکے اتنا تو سیکھ ہی جاتا ہے۔
