فرمان الہی
نماز کے اوقات
ماہرینِ فلکیات نے خلا کی گہرائیوں میں اربوں نوری سال کے فاصلے پر واقع ایک ڈبل رنگ ریڈیو ڈھانچہ دریافت کیا ہے، جو اب تک معلوم ہونے والا سب سے طاقتور اور سب سے دور ’اوڈ ریڈیو سرکل‘ (ORC) قرار دیا جا رہا ہے۔
یہ پُراسرار دائرے پہلی بار چھ سال قبل سائنس دانوں کی نظر میں آئے تھے اور اب اس بات کی تصدیق ہوچکی ہے کہ ان کا قطر ہماری کہکشاں ملکی وے سے دس سے بیس گنا زیادہ ہے۔
او آر سی دراصل ریڈیو توانائی کے وسیع اور مدھم دائرے ہوتے ہیں جو مخصوص کہکشاؤں کے گرد پائے جاتے ہیں اور ان کا مشاہدہ صرف Radio Wavelength پر ممکن ہوتا ہے، یہ تیز رفتار، مقناطیسی پلازمہ (Magnetized Plasma) سے تشکیل پاتے ہیں۔
ماہرین کے مطابق سابقہ تحقیقات سے اندازہ ہوتا ہے کہ ایسے ڈھانچے ممکنہ طور پر سپر میسو بلیک ہولز کے تصادم یا کہکشاؤں کے باہمی ٹکراؤ کے نتیجے میں پیدا ہونے والی شدید جھٹکوں (Shock Waves) سے جنم لیتے ہیں۔
