• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خلیل میموریل لیڈیز ٹینس چیمپئن شپ آمنہ نے جیت لی

میرا شہر
پشاور
18 اکتوبر ، 2025
پشاور( خصوصی نامہ نگار) آمنہ نے حمیرا کو 6-4، 7-5 سے شکست دیکرخیبرپختونخوا ٹینس ایسوسی ایشن اور ملک عمرخطاب خلیل سپورٹس ٹرسٹ پشاور کے زیر اہتمام شہید بینظیر بھٹو ویمن یونیورسٹی پشاور میں کھیلی گئی پہلی ملک عمر خطاب خلیل میموریل لیڈیز ٹینس چیمپئن شپ جیت لی۔ چیمپئن شپ میں خیبرپختونخوا بھر سے مجموعی طور پر 32 کھلاڑیوں نےحصہ لیا،قبل ازیں پہلے سیمی فائنل میں حمیرا نے طیبہ کو 6-4، 6-4 سے جبکہ دوسرے سیمی فائنل میں آمنہ نے تنزیلہ کو 6-4، 6-3 سے شکست دیکر فائنل کے لئے کوالیفائی کیا تھا۔ اختتامی تقریب میں رجسٹرار شہید بینظیر بھٹو ویمن یونیورسٹی سمیرا طارق مہمان خصوصی تھیں جنہوں نے کھلاڑیوں میں انعامات تقسیم کئے، ڈائریکٹر سپورٹس ماریہ ثمین ،ڈائریکٹر فنانس ثناء یوسف ، سلمیٰ فیض ، سینئر نائب صدر خیبرپختونخوا ٹینس ایسوسی ایشن ملک عمر ایاز خلیل ، کوچز نعمان ، ذاکر ، پرویز اور شاہ سواربھی موجود تھے۔
پشاور سے مزید