فرمان الہی
نماز کے اوقات
کراچی (نیوز ڈیسک) امریکا بھر میں’نو کنگز‘ریلیاں، ٹرمپ کی پالیسیوں کیخلاف لاکھوں افراد سڑکوں پر نکل آئے۔
تمام 50ریاستوں میں 2600سے زائد احتجاجی پروگرام، امیگریشن، تعلیم اور سیکورٹی پالیسیوں کیخلاف عوامی ردعمل سامنے آیا۔
تجزیہ کاروں کا کہنا ہے یہ امریکی تاریخ کا سب سے بڑا احتجاج ہوسکتا ہے جس میں شرکت کرنے والوں کی تعداد 30لاکھ سے تجاوز کر سکتی ہے۔
برنی سینڈرز، اوکاسیو کورٹیز اور ہیلری کلنٹن کی حمایت جبکہ ریپبلکن رہنماؤں نے مظاہروں کو امریکہ دشمن قرار دے دیا۔
برطانوی میڈیا کے مطابق ہفتے کو امریکہ کی تمام 50ریاستوں میں صدر ڈونلڈ ٹرمپ کی امیگریشن، تعلیم اور سیکورٹی سے متعلق پالیسیوں کے خلاف ’نو کنگز‘ کے عنوان سے 2,600سے زائد احتجاجی ریلیاں نکالی گئیں جن میں منتظمین کے مطابق لاکھوں افراد نے شرکت کی۔
