فرمان الہی
نماز کے اوقات
اسلام آ باد ( رانا غلام قادر )حکومت پاکستا ن اکتوبرتادسمبر دوہزارپچیس کی سہ ماہی میں مجموعی طورپرچارارب چھیاسی کروڑچالیس لاکھ ڈالرز کی بیرونی ادائیگیاں کرے گی ۔اس بیرونی ادائیگی کےحجم میں تین ارب ڈالرزکا ڈپازٹ شامل ہے جووفاقی حکومت رول اوور کرانا چاہتی ہے۔جاری سہ ماہی میں ایک ارب آٹھ کروڑ دس لاکھ ڈالرز ملٹی اور بائی لیٹرل جبکہ اٹھہتر کروڑ تیس لاکھ ڈالرز کےبیرونی کمرشل قرضوں کی ادائیگی کے لیے مدت پوری ہورہی ہے۔ ذرائع وزارت خزانہ کےمطابق پاکستان نےاکتوبر تادسمبر دو ہزار پچیس کی جاری سہ ماہی میں4 ارب 86کروڑ 40لاکھ ڈالرز کی بیرونی ادائیگیاں کرنی ہیں۔اس بیرونی ادائیگی کی رقم میں 3ارب ڈالرزڈپازٹ شامل ہے-ذرائع کے مطابق سعودی ڈپازٹ کی مدت اس سال دسمبر کے پہلےہفتے میں ختم ہوگی،اس سےقبل سعودی عرب کی جانب سے3 ارب ڈالرزڈپاذٹ کی مدت میں مسلسل 3بار 2022،2023 اور2024 میں ایک،ایک سال کی توسیع کی جاچکی ہے۔
