• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈویژنل ہیڈکوارٹرز میں فیمیل ڈینٹل کیئر سینٹرز قائم کیے جائینگے

میرا شہر
کوئٹہ
26 اکتوبر ، 2025
کوئٹہ (اسٹاف رپورٹر) وزیرِ اعلی بلوچستان کی مشیر برائے محکمہ ترقیِ نسواں ڈاکٹر ربابہ خان بلیدی نے کہا ہے کہ کوئٹہ سمیت تمام ڈویژنل ہیڈ کوارٹرز میں فیمیل ڈینٹل کیئر سینٹرز قائم کیے جائیں گے ان خیالات کا اظہار انہوں نے سول اسپتال کوئٹہ کے ڈینٹل سیکشن کے دورے کے موقع پر کیا انہوں نے ڈینٹل سیکشن کی بہترین کارکردگی، صفائی ستھرائی کے معیاری انتظامات اور محدود وسائل میں خواتین مریضوں کو علاج کی فراہمی پر عملے کی کاوشوں کو سراہا انہوں نے ایگزیکٹو ڈینٹل کلینک کے قیام، جدید آلات کی فراہمی اور کلینک مینجمنٹ کو قابلِ تحسین قرار دیتے ہوئے پرنسپل و وائس پرنسپل ڈینٹل کالج سمیت پوری ٹیم کی خدمات کو خراجِ تحسین پیش کیا انہوں نے کہا کہ کوئٹہ سمیت بلوچستان کے تمام ڈویژنل ہیڈ کوارٹرز میں فیمیل ڈینٹل کیئر سینٹرز قائم کیے جائیں گے جہاں لیڈی ڈینٹل سرجنز کی نگرانی میں خواتین کو جدید طرزِ علاج، دانتوں کی بیماریوں سے بچاؤ اور آگاہی کی سہولیات فراہم کی جائیں گی انہوں نے کہا کہ ان مراکز کے قیام سے خواتین نہ صرف اپنی صحت برقرار رکھ سکیں گی بلکہ اپنے گھروں اور بچوں کو بھی دانتوں کی بیماریوں سے محفوظ رکھنے میں اہم کردار ادا کریں گی۔
کوئٹہ سے مزید