• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نوجوان نسل کی تعمیر و ترقی ہماری اولین ترجیح ,صدر یو ایم ٹی

میرا شہر
لاہور
28 اکتوبر ، 2025
لاہور ( نیوز رپورٹر) یونیورسٹی آف مینجمنٹ اینڈ ٹیکنالوجی (یو ایم ٹی) کے انسٹیٹیوٹ آف ہاسپیٹیلٹی لیڈرشپ (IHL) نے پاکستان میں ہاسپیٹیلٹی اور ٹورازم ایجوکیشن کے میدان میں نئی جہتیں متعارف کراتے ہوئے عالمی معیار کے پروگرامز کے ذریعے اس شعبے کو نئی سمت دی ہے۔ کانفیڈریشن آف ٹورازم اینڈ ہاسپیٹیلٹی (CTH)، برطانیہ کے ساتھ تعلیمی اشتراک کے تحت، IHL کا نصاب بین الاقوامی معیار سے ہم آہنگ ہے اور پاکستان کی تیزی سے ترقی کرتی ہوئی ہاسپیٹیلٹی انڈسٹری کی ضروریات کو بھی مدِنظر رکھتا ہے۔ ادارہ عملی تربیت، قیادت کی صلاحیتوں کے فروغ اور سروس ایکسیلنس پر خصوصی توجہ دیتا ہے تاکہ طلبہ انتظامی بصیرت کے ساتھ ساتھ عملی تجربہ بھی حاصل کر سکیں۔ انڈسٹری سے تعلق مزید مضبوط بنانے کے لیے، IHL نے نشاط ہوٹلز، فلیٹیز ہوٹل اور بیسٹ ویسٹرن پریمیئر سمیت نمایاں ہاسپیٹیلٹی اداروں کے ساتھ اشتراک کیا ہے، جبکہ کئی دیگر معاہدے بھی تکمیل کے مراحل میں ہیں۔ ان شراکت داریوں کے ذریعے طلبہ کو ٹریننگ، انٹرن شپس اور کیرئیر ڈویلپمنٹ کے بہترین مواقع فراہم کیے جا رہے ہیں، جس سے نصابی تعلیم اور عملی تجربے کے درمیان مؤثر ربط پیدا ہوتا ہے۔ CTH کے بین الاقوامی فریم ورک اور یو ایم ٹی کی علمی برتری کی رہنمائی میں، انسٹیٹیوٹ آف ہاسپیٹیلٹی لیڈرشپ پاکستان اور بیرونِ ملک کے لیے جدت پسند، باصلاحیت اور عالمی معیار کے پیشہ ور ماہرین تیار کرنے میں کلیدی کردار ادا کر رہا ہے جو ہاسپیٹیلٹی اور ٹورازم کے مستقبل کی قیادت کے لیے تیار ہیں۔
لاہور سے مزید