• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امارات، پٹرول کی قیمتوں میں نمایاں کمی

آج کا اخبار
اہم خبریں
01 نومبر ، 2025
ابوظبی(سبط عارف) متحدہ عرب امارات نے جمعہ 31اکتوبر کو نومبر 2025کے لیے پٹرول کی نئی قیمتوں کا اعلان کر دیا ہے، جن میں نمایاں کمی کی گئی ہے۔ متحدہ عرب امارات میں اکتوبر کے مقابلے میں نومبر میں فی لٹر پٹرول کی قیمتوں میں اوسطاً 10 سے 11 روپے تک کمی ریکارڈ کی گئی ہے، جو عالمی منڈی میں خام تیل کی قیمتوں میں حالیہ کمی کے نتیجے میں ممکن ہوئی ہے۔ نئی قیمتیں یکم نومبر 2025سے نافذالعمل ہوں گی۔ اعلان کے مطابق، سپر پٹرول کی قیمت اکتوبر میں 2.77 درہم ( تقریباً 212 روپے ) فی لٹر تھی جو نومبر میں کم ہو کر 2.63 درہم ( تقریباً 201 روپے فی لٹر ) کردی گئی ہے یعنی 11 روپے کی کمی ہوئی ہے۔اسی طرح اسپیشل پٹرول کی قیمت 2.66 درہم ( تقریباً 203 روپے فی لٹر ) سے کم ہو کر 2.51 درہم ( تقریباً 192 روپے ) فی لٹر کر دی گئی ہے۔جبکہ ای پلس پٹرول اکتوبر میں 2.58 درہم ( 197 روپے ) فی لٹر تھا جو نومبر میں کم ہو کر 2.44 درہم ( تقریباً 187 روپے ) کردیا گیا ہے۔ اماراتی وزارتِ توانائی کے تحت فیول پرائس مانیٹرنگ کمیٹی ہر ماہ عالمی منڈی میں تیل کی اوسط قیمتوں کی بنیاد پر نرخوں کا تعین کرتی ہے، جس میں تقسیم کار کمپنیوں کے آپریشنل اخراجات بھی شامل ہوتے ہیں۔
اہم خبریں سے مزید