فرمان الہی
نماز کے اوقات
لاہور (این این آئی)پاکستان تحریک انصاف نے پنجاب لوکل گورنمنٹ بل عدالت میں چیلنج کرنے کا فیصلہ کر لیا، (آج)پیر کو لاہور ہائیکورٹ میں پنجاب لوکل گورنمنٹ بل چیلنج کرنے کیلئے پٹیشن تیار کر لی گئی۔ میڈیا رپورٹ کے مطابق پی ٹی آئی پنجاب کی جانب سے کل پٹیشن دائر کی جائیگی جسکی نمائندگی شیخ امتیاز محمود، اعجاز شفیع، منیر احمد، میاں شبیر اسمٰعیل کرینگے۔ پی ٹی آئی یہ پٹیشن صدر مملکت، وزیراعظم، گورنر پنجاب، وزیر اعلیٰ پنجاب سمیت اعلیٰ حکام کو بھی ارسال کریگی۔ پی ٹی آئی پنجاب کے مطابق درخواست میں موقف اختیار کیا گیا کہ ایکٹ کی متعدد شقیں آئین پاکستان کے آرٹیکلز 17، 32 اور اےـ140 سے متصادم ہیں۔ پی ٹی آئی رہنما اعجاز شفیع کے مطابق قانونی ماہرین کی جانب سے تیار کردہ تفصیلی اعتراضات حکومت کو بھجوا دئیے گئے ہیں۔
