فرمان الہی
نماز کے اوقات
پشاور(این این آئی)وزیراعظم کے کوآرڈی نیٹربرائے اطلاعات اختیار ولی نے کہا ہے کہ وزیرِ اعلیٰ خیبر پختون خوا سہیل آفریدی کی ویڈیوز منظرعام پر آنے کے بعد کئی سوالات نے جنم لیا ہے‘ سہیل آفریدی کی تقاریر اور بیانات حلف کی سنگین خلاف ورزی ہیں‘یہ کسی طور وزارتِ اعلیٰ کے اہل نہیں رہے ۔اپنے بیان میں اختیار ولی نے کہا کہ پی ٹی آئی کے پروپیگنڈا نیٹ ورک نے ویڈیوز کو جعلی قرار دینے کی مہم شروع کر دی، ویڈیوز کی فورنزک کے بعد دودھ کا دودھ اور پانی کا پانی ہو جائے گا۔اختیار ولی نے کہا کہ سہیل آفریدی کی ویڈیوز کو کسی اور موقع کی قرار دینے سے جرم کی سنگینی کم نہیں ہو جاتی، سہیل آفریدی کا جرم 9مئی کے دیگر مجرموں سے زیادہ سنگین ہے۔وزیرِ اعلیٰ نے ریاست کے تحفظ کا حلف اٹھایا ہے، حلف اٹھانے کے بعد بھی ان کے بیانات ہر اعتبار سے قابلِ گرفت ہیں۔
