• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

15 کلوگرام منشیات برآمد خاتون سمیت3ملزموں کو گرفتار کر لیا گیا

میرا شہر
اسلام آباد
09 نومبر ، 2025
راولپنڈی (سٹاف رپورٹر)اینٹی نارکوٹکس فورس نے 32 لاکھ روپے سے ز یادہ مالیت کی 15 کلوگرام منشیات برآمد کرکے ایک خاتون سمیت 3 ملزموں کو گرفتار کرلیا،کاک پل اسلام آباد کے قریب ایک خاتون کے قبضے سے ایک کلو95 گرام آئس برآمد کرلی گئی ،ترجمان اے این ایف کے مطابق پوچھ گچھ کے دوران گرفتار ملزمہ نے تعلیمی اداروں کے طلباء کو منشیات فروخت کرنے کا اعتراف کیا،کراچی میں کوریئر آفس میں لندن جانے والے پارسل سے بچوں کے 4کمبلوں میں جذب 3 کلو800گرام آئس برآمد کرلی گئی ،جناح ایئرپورٹ کے کارگو شیڈ میں نیوزی لینڈ جا نے والے پارسل سے لیڈیز بیگ میں چھپائی گئی 3 کلو600گرام آئس برآمد ہوئی ،شاہراہ فیصل کراچی میں کوریئر آفس میں جاپان جا نے والے پارسل سے چاولوں میں شامل 110گرام آئس برآمد ہوئی ،لاہور میں موٹر سائیکل سوار 2ملزمان کے قبضے سے 2 کلوگرام آئس برآمدکرلی گئی، چائنہ چوک حاجی شاہ روڈ اٹک میں موٹر سائیکل سے 3کلو600گرام چرس برآمد ہوئی ،تمام واقعات میں ملزموں کے خلاف انسداد منشیات ایکٹ 1997کے تحت مقدمات درج کر کے تحقیقات کا آغاز کر دیا گیا ۔
اسلام آباد سے مزید