• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئی بہت مشکل سوال ہے تو وفاقی آئینی عدالت بھجوا دیتے، ہم تو ایسے ہی ہیں، جسٹس منصور

آج کا اخبار
اہم خبریں
11 نومبر ، 2025
اسلام آباد(جنگ رپورٹر)سپریم کورٹ میں سماعت کے دوران جسٹس منصور علی شاہ نے مجوزہ آئینی عدالت کے قیام سے متعلق دلچسپ ریمارکس دیئے ، جسٹس منصور علی شاہ نے ازراء تفنن کہا کہ اگر کوئی بہت مشکل سوال ہے تو وفاقی آئینی عدالت کو بھجوا دیتے ہیں، ہم تو ایسے ہی ہیں ، جس پر کمرہ عدالت میں قہقہوں سے گونج اٹھا، جسٹس منصور علی شاہ کی سربراہی میں جسٹس عقیل عباسی پر مشتمل دو رکنی بینچ نے محکمہ لائیو اسٹاک پنجاب کے ڈاکٹر اعظم علی کی ترقی متعلق کیس کی سماعت کی ،درخواست گزار وکیل نے موقف اختیار کیا کہ ان کے موکل کو نظرانداز کرکے ،جونیئر افسران کو ترقی دی گئی ، جس پر جسٹس منصور علی شاہ نے کہاکہ ہمیں دستاویزات دکھائیں کہ واقعی جونیئرز کو ترقی دے کر آپ کے موکل کو نظرانداز کیا گیا۔اس موقع پر جسٹس منصور علی شاہ نے ازراء تفنن کہا کہ اگر کوئی بہت مشکل سوال ہے تو ہم معاملہ وفاقی آئینی عدالت کو بھجوا دیتے ہیں، ہم تو ویسے بھی بیچارے ایسے ہی ہیں یہاں، جس پر کمرہ عدالت میں قہقہوں سے گونج اٹھا، بعد ازاں عدالت نے درخواست مسترد کر دی۔
اہم خبریں سے مزید