فرمان الہی
نماز کے اوقات
نیویارک ( نیوز ڈیسک)پاکستان نے سلامتی کونسل کی مستقل نشستوں میں اضافے کی مخالفت کردی، مستقل نشستوں کا اضافہ مسائل بڑھانے کا سبب بنےگا، ویٹو کے مسئلے کا حل سلامتی کونسل کی مجموعی اصلاح سے جڑا ہے، تفصیلات کے مطابق اقوامِ متحدہ کی جنرل اسمبلی کے اجلاس میں پاکستان کے مستقل مندوب عاصم افتخاراحمد نے جنرل اسمبلی کے مباحثے میں طاقت کا توازن بہتر کرنے کیلئے غیرمستقل ارکان کی تعداد 10 سےبڑھا کر 20 کرنے کی تجویز بھی دے دی، عاصم افتخاراحمد نےعالمی ادارے میں طاقت کےعدم توازن پرگہری تشویش کااظہارکیا،ویٹو کے حق پر مباحثہ میں پاکستان نے ویٹو کا خاتمہ یا اس پرسخت پابندی ناگزیر قرار دے دی۔ عاصم افتخار نےیہ بھی واضح کیا کہ جنرل اسمبلی عالمی جمہوری عمل کا سب سے بڑا فورم ہے، ویٹو کے مسئلے کا حل سلامتی کونسل کی مجموعی اصلاح سے جڑا ہے۔
