فرمان الہی
نماز کے اوقات
کراچی (اسٹاف رپورٹر)بوٹ بیسن پولیس نے شیریں جناح کالونی میں چھریوں کے وار سے حافظ القران نوجوان کے قتل کے الزام میں 2 سگے بھائیوں سمیت 4 ملزمان کو گرفتار کر لیا، ایک ملزم فرار ہے ،تفصیلات کے مطابق بوٹ بیسن پولیس نے چھری کے وارکرکے حافظ القران حماد نامی نوجوان کو قتل کرنے کے الزام میں 4ملزمان کو گرفتار کر لیا، گرفتار ملزمان عبدالرحمان، عبدالشکور، سجاد اورشاہد شامل ہیں گرفتار2ملزمان عبدالرحمان اور عبدالشکورآپس میں سگے بھائی ہیں، پولیس کے مطابق 18 نومبرکوشریں جناح کالونی میں بچوں کی لڑائی بڑوں میں تبدیل ہوگئی تھی اورجھگڑے کے دوران تیز دھار آلہ کے وار سے حافظ القران حماد نامی نوجوان شدید زخمی ہوگیا جسے فوری طور پر اسپتال منتقل کیا گیا جہاں شدید زخمی نوجوان زخموں کی تاب نہ لاتے ہوئے دوران علاج دم توڑگیا تھا ،پولیس نے نوجوان کے قتل کامقدمہ درج کرکے تفتیش شروع کردی تھی، گوہرنامی ایک ملزم فرار ہے جس کی گرفتاری کی کوشش کی جا رہی ہے۔
