• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد سے لاپتہ لڑکی 17 سال بعد کراچی سے مل گئی

آج کا اخبار
اہم خبریں
25 نومبر ، 2025
کراچی (اسٹاف رپورٹر)اسلام آباد سے لاپتہ ہونے والی لڑکی کی17سال بعد کراچی میں اپنے والد سے ملاقات ہوگئی۔تفصیلات کے مطابق اسلام آباد سے17برس پہلے لاپتہ ہونے والی لڑکی ایدھی سینٹرکراچی سے مل گئی، 27سالہ کرن کو گزشتہ روز اس کے حقیقی والد عبدالمجید کے حوالے کردیا گیا،لڑکی کی تلاش سیف سٹی پنجاب کی کاوشوں سے ممکن ہوئی، کرن نے بتایا کہ میں گھر سے آئس کریم لینے نکلی تھی،گلی بھول گئی،راستہ بھڑک گئی توکوئی مجھے ایدھی سینٹراسلام آباد چھوڑگیا،بعد میں مجھے امی ( بلقیس ایدھی صاحبہ مرحوم) کراچی لے آئیں،ایدھی سینٹر میں رہ کرمیں نے دینی اوردنیاوی تعلیم حاصل کی ،آج بہت خوشی ہے کہ والدین سے مل رہی ہوں،ایدھی سینٹر میں بہت اچھا وقت گزا ہمیشہ یاد رہے گا، شبانہ فیصل ایدھی نے بتایا کہ کرن کے والدین کی تلاش کے لئے کئی بار بس سروس کے ذریعے اسلام آباد بھیجا گیا لیکن والدین کا سراغ نہیں ملا، چند روز کے دوران ملک بھر سے 12 بچے والدین کے حوالے کئے جاچکے ہیں،کراچی سے یہ پانچویں لڑکی ہے جسکے والدین کی تلاش ممکن کوئی، لڑکی کے والد عبدالمجید نے بتایا کہ ان کا آبائی تعلق قصور سے ہے بیٹی کے لا پتہ ہونے کے بعد انھوں نے اپنی بیٹی کوبہت تلاش کیا لیکن اس کاکوئی سراغ نہیں ملا ، وہ تو بیٹی کے ملنے کے امید بھی کھو چکے تھے،اچانک پولیس ان کے پاس آئی اور انہیں بیٹی کے ملنے کےبارے بتایا، 17 برس بعد بیٹی کے ملنے پر وہ بہت خوش ہیں اور ان کی خوشی کا اندازہ نہیں لگایا جاسکتا ہے۔
اہم خبریں سے مزید