• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خبردارجو پانی مانگا، افسرکی مکینوں کو ٹیوب ویل بند کرنے کی دھمکی

میرا شہر
کوئٹہ
29 نومبر ، 2025
کوئٹہ (اسٹاف رپورٹر)کلی گل محمد ایئر پورٹ روڈ کوئٹہ کے رہائشیوں ڈاکٹر سمیع اللہ ، سید محمد شاہ ، حاجی عجب خان،اعظم آغا اور سید انور آغا نے کہا ہے کہ کہ کلی گل محمد میں گیس،بجلی، پانی اور صفائی کے مسائل حل اور بلدیاتی الیکشن میں لوگوں کے نام ان کی مرضی کے بغیر مستقل پتہ کی بجائے دوسرے وارڈز میں شامل کرنے کا نوٹس لیا جائے یہ بات انہوں نے جمعہ کو کوئٹہ پریس کلب میں پریس کانفرنس کرتے ہوئے کہی انہوں نے کہا کہ کلی گل محمد کے ٹیوب ویل کا مسئلہ عرصے سے جاری ہے کام مکمل ہونے کے باوجود پانی فراہم نہیں کیا جارہا تھا علاقہ مکینوں نے اپنی مدد آپ کے تحت پائپ کی کمی کامسئلہ حل کرکے پانی کی فراہمی شروع کی تاہم محکمہ پبلک ہیلتھ انجینئرنگ کی جانب سے بل جمع نہ کرنے کے باعث بجلی کاٹ دی گئی مسئلہ حل کرنے کا کہا تو ایک افسر نے اسکیم ختم کرنے کی دھمکی دی کلی گندگی کے ڈھیر میں تبدیل ہوگئی ہے جگہ جگہ کچرے کے ڈھیر پڑے رہنے سے عوام کو مشکلات کا سامنا ہے بجلی کی طویل اور غیراعلانیہ لوڈشیڈنگ نے عوام کی زندگی اجیرن بنادی ہے گیس کی بندش اور کم پریشر سے شدید سردی میں مشکلات کا سامنا کرنا پڑرہا ہے انہوں نے کہا کہ بلدیاتی الیکشن کے حوالے سے انتخابی فہرستوں میں ردوبدل کرکے لوگوں کے نام ان کی مرضی کے بغیر وارڈوں سے نکال کر دوسرے وارڈز میں شامل کئے گئے ہیں انہوں نے مطالبہ کیاکہ ان مسائل کانوٹس لیاجائے۔
کوئٹہ سے مزید