فرمان الہی
نماز کے اوقات
امریکا کی ریاست فلوریڈا میں 20 مختلف ممالک سے تعلق رکھنے والے 104 اسکائی ڈائیورز نے فضا میں معلق رہتے ہوئے ایک شاندار اور ریکارڈ ساز اسٹار فارمیشن سے نئی تاریخ رقم کر دی۔
یہ مظاہرہ 22 نومبر کو لیک ویلز کے اوپر کیا گیا، جس میں کھلاڑیوں نے آسمان میں ایک دیوقامت ستارے جیسا منظر پیش کیا۔
اس ایونٹ کے منتظم نے اس حیرت انگیز منظر کی ویڈیو شیئر کرتے ہوئے لکھا کہ اس تھینکس گیونگ پر ہم ایک نئے 104 ویں ورلڈ ریکارڈ پر شکر گزار ہیں۔
انہوں نے مزید کہا کہ اس تاریخی فارمیشن کی بنیاد رکھنے والے ہر فرد، ہر کھلاڑی، ویڈیو ٹیم اور زمین پر موجود سپورٹ اسٹاف سب کو مبارک ہو، آپ نے واقعی ناقابلِ فراموش کارنامہ انجام دیا۔
اس غیر معمولی کارنامے میں کھلاڑیوں نے اپنے پیراشوٹ ایک دوسرے سے انتہائی مہارت سے جوڑ کر دنیا کی سب سے بڑی Canopy Relative Work فارمیشن مکمل کی۔
ویڈیو میں رنگ برنگے پیراشوٹ ایک ہی وقت میں جڑتے دکھائی دیتے ہیں، جو کچھ دیر بعد ایک عظیم کاسِمک پھول کی طرح کھل کر بکھرتے ہیں۔
36 ماہر اسکائی ڈائیورز نے خصوصی Valkyrie پیراشوٹ استعمال کرتے ہوئے فارمیشن کی مضبوط بنیاد بنائی، جس کے بعد دیگر کھلاڑی مختلف جہازوں سے چھلانگ لگا کر باری باری اس بنیادی اسٹریکچر کے ساتھ جڑتے گئے، یہاں تک کہ آسمان میں ایک دیوقامت ستارے کی شکل بن گئی۔
ویڈیو سوشل میڈیا پر وائرل ہوگئی اور صارفین نے اسے ناقابلِ یقین، دل دہلا دینے والا اور اگلے درجے کی مہارت قرار دیا۔
