• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

3 روزہ آفتھلمولوجیکل کانفرنس، 100 سے زائد تربیتی سیشنز، 1800 سے زائد شرکاء کی شرکت

میرا شہر
لاہور
08 دسمبر ، 2025
لاہور ( جنرل رپورٹر )پاکستان سمیت پورے خطہ میں آنکھوں کے بڑھتے ہوئے امراض ،جدید طریقہ علاج سمیت دنیا بھر میں ہونے والی نئی اور جدید ریسرچ پر مبنی تین روزہ انٹر نیشنل آفتھلمولوجیکل کانفرنس 100سے زائد تربیتی سیشنز کے انعقاد اور 1800سے زائد شرکاء کی شرکت کے ساتھ لاہور کے مقامی ہوٹل میں اختتام پذیر ہوگئی کانفرنس میں آفتھلمولوجیکل سوسائٹی آف پاکستان کے زیر اہتمام اور پاکستان اوکلوپلاسٹک ایسوسی ایشن کے اشتراک سے منعقد کی گئی امراض چشم کے سب سے بڑے سالانہ سائنسی اور تحقیقی اجتماع میں "43 ویں لاہور آفتھلمو اور پی او اے کے تیسرے سالانہ سمپوزیم"،کو ملک بھر اور دنیا بھر سے آئے ماہرین اور شرکاء نے انتہائی کامیاب قرار دیا۔کانفرنس میں 21 بین الاقوامی اور 400 قومی مقررین نے تقریباً 100 سیشنز میں اپنے تجربات اور جدید تحقیق کو شرکاء کے ساتھ شیئر کیا۔ پروفیسر ڈاکٹر ناصر چوہدری کی جانب سے لائیو سرجیکل سیشنز کا انعقاد کیا گیا ہینڈز آن ٹریننگ، اور عصری امراض چشم کے آلات کی نمائش اس تقریب کے کلیدی پہلو تھے جنہیں شرکاء نے بے حد سراہا۔
لاہور سے مزید