فرمان الہی
نماز کے اوقات
اسلام آباد ( فاروق اقدس)کراچی میں ہونے والی 35 ویں نیشنل گیمز کی اختتامی تقریب میں مہمان خصوصی فیلڈ مارشل عاصم منیر کو بلاول بھٹو نے روایات کے مطابق سندھی اجرک اور ٹوپی کا روایتی تحفہ کیا پیش کیا کہ وفاقی دارالحکومت کی سردی میں لپٹی ہوئی ٹھنڈی سیاست میں قیاس آرائیوں کی ایک لہر سی دوڑ گئی حالانکہ پاکستان آرمی کی ٹیم ان مقابلوں میں واضح برتری کے ساتھ فاتح تھی اس لیے اگر فیلڈ مارشل نے جوانوں کی حوصلہ افزائی کے لیے اس تقریب میں مہمان خصوصی بننے کی دعوت قبول کی تو اس میں اچنبھے کی کیا بات تھی اور اگر انہوں نے موقع کی مناسبت سے یونیفارم کی بجائے عوامی لباس کا انتخاب کیا تو اس میں بھی اندیشوں کی کوئی بات نہیں کیونکہ بعض حلقے تو کافی عرصے سے انہیں عوامی لباس میں ہی دیکھنے کے متمنی ہیں ہاں اتنا ضرور ہے کہ وزیراعلیٰ پنجاب مریم نواز کی جانب سے بلاول بھٹو کی لاہور سیشن آمد کے حوالے سے پذیرائی کا ٹویٹ اور اس سے قبل بلاول بھٹو کی جانب سے پنجاب میں ترقیاتی کاموں کی تعریف قابل ذکر تھی اور یہ واقعہ چونکہ صرف تین چار دن پرانا تھا اس لیے بعض لوگ تو ہفتے کو ہونے والی تقریب کے تناظر میں ان دونوں واقعات میں کوئی معنی خیز مماثلت تلاش کر رہے ہیں۔ بلال بھٹو نے لاہور میں ایک ہفتے قیام کے دوران سیاسی طور پر مصروف ترین دن گزارا اور میڈیا سے آف دی ریکارڈ گفتگو بھی کی اور ایسی اطلاع بھی موجود ہے کہ اپنے قیام کے دوران بلاول بھٹو نے رائیونڈ میں ایک عشائیہ میں بھی شرکت کی لیکن جب ایک سینئر صحافی نے ان سے اس بارے میں استفسار کیا تو اسکی تصدیق یا تردید کی بجائے بلاول بھٹو نے محض مسکراہٹ پر اکتفا کیا۔ صدر زرداری کو پنجاب میں پروٹوکول نہ دیے جانے پر پیپلز پارٹی کے شاکی رہنماؤں کا گلہ شکوہ دورکیا ۔ یاد رہے کہ اس سے قبل پاکستان پیپلز پارٹی کے رہنماؤں کو یہ شکوہ اور شکایت رہتی تھی کہ جب صدر آصف علی زرداری لاہور آتے ہیں تو انہیں پروٹوکول نہیں ملتا۔
